К. Сағадиев атындағы Халықаралық бизнес университетінің (UIB) өкілдері Психоаналитикалық қауымдастыққа барды
Кездесуге UIB Әлеуметтік-гуманитарлық ғылымдар кафедрасының аға оқытушысы Гүлнұр Ахмадиярова және университет кітапханашысы Алма Анаркулова қатысты. Олармен бірге «Әлеуметтік-психологиялық процестерді басқару» мамандығының үшінші курс студенттері де Қауымдастыққа барды.

Психоаналитикалық қауымдастық атынан кездесуге Орталық Азия психоанализ институтының директоры, психоаналитик Анна Кудиярова, Психоаналитикалық қауымдастықтың президенті, психоаналитик Гүлжан Амангелдинова және психоаналитикалық бағыттағы психолог Жаннур Дәуренбекова қатысты.
Студенттермен кездесу барысында олар психоаналитикалық қауымдастық өкілдерімен пікір алмасып, өздерін қызықтырған сұрақтарын қойып, психоанализ, психоаналитиктердің кәсіби қызметі және осы бағытты одан әрі зерделеу мүмкіндіктері туралы көбірек ақпарат алды.

Қазіргі таңда UIB - психоанализ негіздері жеке оқу пәні ретінде оқытылатын алғашқы әрі жалғыз университет.

Сапар барысында университет кітапханасына қазақ тіліндегі «Психоанализ негіздері» кітаптары сатып алынды. Кітаптың авторы - Анна Кудиярова.

Кездесу студенттерге психоаналитикалық бағытпен, кәсіби қауымдастық өкілдерімен және қазақ тіліндегі психоанализ бойынша әдебиеттермен жақынырақ танысуға мүмкіндік берді.
© Your Company. All rights reserved